النهاردة الصبح طلعت شمس تانية
شمس وعدت حلمنا ماتغبش ثانية
شمس حامية *** شمس حانية
شمس بتضم الشوارع والأماني
شمس ليها طعم تاني
بالكرامة مدفياني
طمنت قلبي إللي قاسا
إنه مش هيقاسي تاني
فجرت فيَّ الحماسة
والإرادة والتفاني
علمت قلبي فـ ثواني إنه رغم الحزن عاش
وإن رغم سنين طويلة من حياتي معشتهاش
لسه عمري منتهاش
لسه بفرح لما أشوف شمس النهار
وإني برضوا رغم طول الإنتظار
لسه قادر أبتدي
لسه قادر أصحى م النوم الطويل
وأغسل الوش اللي صدى
يمكن العمر إللي العدى الحقة
يمكن العمر اللي باقي أسبقة
يمكن الحلم اللي نفسي أحققه
يبتدي تاني النهردة من جديد
يمكن الوهم إللي نفسي أصدقة
لو ف أخر يوم ف عمري
يقدر إنه يخلي قلبي
يبتسم ويموت سعيد
الرئيسية 
أحدث الصور 
التسجيل 
دخول 
الإثنين أبريل 01, 2013 9:21 pm