كنت قاعده على الفيس عادى زى اى يوم بكلم اصحابى
ومشغله اغانى ..سمعت الفجر بياذن طبعا كل اللى عملتة
انى وقفت الاغنية لغاية الاذان ميخلص بس صوت الاذان
اليوم دة كان غريب اوى فضلت مشدوده للاذان شوية
حاسه ان فية حاجة غريبة اوى .. روحت راجعه ومشغله
الاغنية تانى وكملت على الفيس بوك .. وبعد ساعة
سمعت صوت حد بيصرخ بس ماكانش صوت عادى كان
اعلى صوت سمعتة فى حياتى طلعت اجرى اشوف فية اية
طلعت فى الشارع لقيت الشارع مليان ناس وكلة مستغرب
اوى وباصص للسماء ... بصيت للسماء وسالت هوة فية
اية .. محدش راضى يرد عليا .. كررت السؤال محدش رد
عليا غير امى وقالتلى ....... ... ( الشمس طلعت من
الغرب .. باب التوبة اتقفل ) ... حسيت ان كل اجهزة
جسمى وقفت بعد ماسمعت الكلمة دى .. معرفتش بعدها
انا بعمل اية فضلت اجرى زى المجنونه واقول لكل واحد
إدينى حسنة .. إدينى حسنة .... محدش بيرد عليا والكل
بيجرى محدش فارق معاة ابن ولا فلوس ولا ام ولا اب ...
ساعتها رن فى ودانى حاجة واحدة بس ..قولة تعالى
(يوم يفر المرء من اخيه وامه وابيه وصاحبته وبنيه )
جريت على امى وقعدت اصرخ ... ودى كانت اول مرة
ماصعبش على امى .......................
دة كان حلم ..بس اول ماصحيت
قولت طول ما باب التوبة مفتوح هفضل اقول يارب ...
مش هعيش غير للاخرة هغلط كلنا بنغلط بس هقول يارب ...
احنا لية واثقين ان احنا هندخل الجنة من غير مانعمل
اى حاجة تشفعلنا ..
ماتيجى نبدا من دلوقتى قبل مانتفاجىء باليوم دة ..
قبل ماتتفاجىء بملك الموت جاى يقبض روحك ....
ربنا بينادينا كل يوم .... (يارب سامحنى )
يارب اغفرلى
اللهم استغفرك واتوب اليك
الرئيسية 
أحدث الصور 
التسجيل 
دخول 
الأحد مارس 17, 2013 4:11 pm
