قصيده وطنيه 2013 , قصيده احنا الشعب , قصيده عن شعب مصر
أحنا الشعب ملاك الوطن .... مش شوية رعاع اللي مالكينها
مهما دوقنا اللضي والعدم .... النهارده بس هنحاسب اللي نـاهبينهـا
النهارده هنرجع كل اللي ضاع .... وبصرخه قويه هنواجه اللي خاربينهـا
أحنا عشاق تراب الوطن .... وكلمة أمل سنين جوانـا شـايلينهـا
الحريه جوانا صوت وسكن .... ولسه كلمة الأه جوانـا فـاكرينهـــا
كانوا فاكرينا راح نسـلم .... ماكانوش فاكرين بجد اننا عـاشقينهـا
نام ياشهيد وأوعي تتـألم ... حقك هيرجع وأخلامك بعنينا شايفينهـا
الشمس عمرها ماراح تنطفي ... وفجر وضمير ثوارك أخلام عـايشينهـا
وهنقول للي باعوا الوطن .... النهارده دفاتر حسابهم هنفتح براكينهـــا
والعالم كله راح يشهـد .... ضمير العداله بقي اللي كنا ناسينهــــا
ورأس الفساد وكل أربـابه .... كلمة العفو والسماح دلوقتي بقوا حـافظينهـا
نسيوا الجمل لما خرج لنا نابـه .... النهارده هنقطع رأس الأفعي وكل شياطينهـا
كلها كام يوم هيعدا من الأخر .... بدون شماته ولوم ربك كده قـادر
25 يناير تاريخ ياشباب هيتذاكـر ..... نهـار وطلعلوا نـور بعـد ليـل نـاكـر
أنت طول عمرك يامصري عشته مسجون .... مسجون جوه حلمك ومن الخيال محروم
خرجت للميدان وقابلت الرصاص بصدرك .... علشان ولادك يشوفـوا نهـار معــــلوم
النهارده بس يامصري البلد حـــــــره ....... خلينا بقي نكسر مرايـا أمبارح بـالمـره
حتي ولو طلعت روحنا ألف مـــــــره ....... وضربونا برصاص حي جـاي مـن بــــره
هنتحمل علشان نعيش لحظه كده ساره ..... ونشوف ميادين مفروشه بخلق مضطـره
بتنادي بكلمة حق وراح تعيـد الكـــــرا ..... لحد مـا كلمـة لأ تلاقليهـا مجـــــــره
جربنا كل حاجـه ملقناش حاجه نافعـــه ..... وقلنا الحريه لينا قـدر محتــــــوم
مش محتاجين سن قوانين ومرافعــــــه ..... ولادنا قـالوها بتـاريخ ويـوم معــلوم
الشديد القوي جمعنا ملايين مـدافعـه ..... وصوت الحق بان بعد مـاكـان مكتـــوم
النهارده متنفعش شفـاعه ومشافعــــه ..... مصالحـة أيه وأنتـم ماصونتم يوم مظـلوم
ولا هتنفع معـدده ولا منجمه نافعـــــــه ..... نظام أمبارح هنزيله من جـذوره بمرسـوم
أحنا الشعب ...... أحنا الشعب ....!!!
مع تحيااااااااااااااااااااتي
الرئيسية 
أحدث الصور 
التسجيل 
دخول 
الثلاثاء أبريل 02, 2013 10:02 pm