حاجة مُلفته للنظر
تقلق شعور كل البشر
اصلو السلام يا ناس خلاص بقى فى خطر
الزول يشوف الزول ...
يضرب طناش.
وانا اتحداك واقول يا زول ....!!
سلامي اليك سلام من زول
ومن جواى سلام مقدول
لا فيه استقطاع ولا ادينى لبُكره !!
ولا عاوز اقول ليك جيب ؟!
او دى للسُتره !!
سلام والله ....... لــ ..... الله
سلام مجاني فى مجاني
سلام سوداني ... لسوداني
ارفع ضراعك خلى الناس تشوف ... تسمع
طراقيع الكفوف ... ومُلامسة الكتوف
ودعوة لشاي العصُر
وونسة بجرُم التمُر
وأخليك يا زول تعرف
إن سلامي ليك مجاني
سلام سوداني لسوداني
وتأمن ... انو الغربة ما نالت من الاغبش
الرئيسية 
أحدث الصور 
التسجيل 
دخول 
الأربعاء أبريل 03, 2013 9:01 pm