الكمية تكفي: 5 أشخاص
المقادير: بطة بصلة ملح فلفل بهار حبهان جنزبيل
التحضير: نجيب بطه حلوة نغسلها كويس بالدقيق والملح وبعد كدا نغسلها تاني بالميه وبعد كدا ننقعها شويه في ميه وخل على ماتتنقع بقا نحضر التتبيله بصلتين كبار مبشورين ملح فلفل بهارات زنجبيل قرفه ونقلبهم على بعض كويس وبعد كدا ناخد البطه ونغسلها تاني وبعد كدا نتبلها بالتتبيله ديه كويس من جوة ومن بره ومن تحت الجلد ونسبها في التتبيله شويه وبعد كدا نجيب بصله ونقطعها جوانح في حله ونضع عليها بهارات وزنجبيل وفلفل اسود بس طبع مش كتير لننا متبلين البطه قبل كدا و6 فصوص هيل (حبهان ) ونضع معاهم البطه
الطبخ: البطه نشوحها على النار حتي يتغير لونها من جميع الجوانب وبعد كدا نضع عليها ميه مغليها نغطيها بالميه كويس وبعد نغطي الحله ونسبها على النار لحد ما تستوي
وبعد ما تستوي نشلها من الشوربه ونتركها تبرد تماما ثم ناتي بملعقتين زيت كبار وملعقة كركم وملح وفلفل وملعقة خل ونقلبهم مع بعض وندهن بيهم البطه وندخلها الفرن حتى تحمر من جميع الجوانب
الرئيسية 
أحدث الصور 
التسجيل 
دخول 
الأربعاء مارس 06, 2013 4:17 pm