حلاة السكر الروعة
حلاااتة النجفة زي ولعة
اعاين ليهـــا
اشوف صحباتهــا زي سلطات
دي سلطة فول....
دي سلطة بيض ....
ودي سلطة روب ....
وهي في نصهن ضلعة
وحلاة السكر الروعة
حلاة السكر الروعة..........
اقوم قومة واقع وقعة
واشوف المشية زي رجعة
واعد الخمسة زي سبعة
وأدي الريق دبل بلعة
حلاة السكر الروعة
حلاة السكر الروعة.........
شيخنا .. شيخنا الكان صلاتو عصر
قياموا فجر
أكان بتأني في الركعة
ولمن شافة ماشة عليهو
ديــــــــــك السكر الروعة
سريع سلم سريع صلي العصر ركعة
وجر سبيحتوا بي خفية
حلاتها السكر الروعة ....حلاتها السكر الروعة
حلاة السكر الروعة.....
عتوتنا
عتوتنا الشارف الجيعان
وليهو زمان من الزلعة
سقناهو عشان يرعي
وفي اول تقاطع يودي للمرعي
شاف السكر الروعة
عاين جاي ... وقبل جاي
قفل ون آي
نظام الود عتوت بكاي
ومد كريشتو لي قداو
وكرع ...
عاااااع من الشبعة
بلا يرعي
حلاة السكر الروعة.. حلاة السكر الروعة
وشــــكــرا
الرئيسية 
أحدث الصور 
التسجيل 
دخول 
الأربعاء أبريل 03, 2013 8:59 pm