كاريزما أون لاين
اهلا وسهلا بك فى منتدى كاريزما اون لاين سجل وشارك معنا برؤيتك
كاريزما أون لاين
اهلا وسهلا بك فى منتدى كاريزما اون لاين سجل وشارك معنا برؤيتك
كاريزما أون لاين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كاريزما أون لاين

أجمل الاغانى والافلام والمسلسلات العربية والبرامج
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  
Logo Design by FlamingText.com

 

 قصيدة يــا منـةالشاعر عبد الرحمن الأبنــــــــــودى

اذهب الى الأسفل 
كاتب الموضوعرسالة
زهرة
Admin
زهرة


عدد المساهمات : 1110
تاريخ التسجيل : 26/02/2013

قصيدة يــا منـةالشاعر عبد الرحمن الأبنــــــــــودى Empty
مُساهمةموضوع: قصيدة يــا منـةالشاعر عبد الرحمن الأبنــــــــــودى   قصيدة يــا منـةالشاعر عبد الرحمن الأبنــــــــــودى Icon_minitimeالأربعاء مارس 06, 2013 2:53 pm

الله وشبت ياعبد الرّحمان
عجّزت ياواد ؟
مسرع..؟
ميتى وكيف ؟
عاد اللى يعجّز
فى بلاده
غير اللى يعجّز ضيف.
هلكوك النسوان؟
شفتك مره فى التليفزيون
ومرّه ورّونى صـــــــــــــــورتك فى
الجورنان
قلت:كبر عبد الرحمان !!
أمّال أنا على كده مت
بقى لى ميت حول.!!
والله خايفه ياولدى القعده تطول .
مات الشيخ محمود
وماتت فاطنه أب قنديل.. واتبـــاع
كرم اب غبّان!!
وانا لسّه حيّه وباين حاحيّا كمان
وكمان ..!!
عشت كتير
عشت لحد ماشفتك عجّزت ياعبد
الرحمان .
وقالوا لى قال: خلّفت
وانت عجوز خلّفت ياخــــوى؟
وبنات؟
أمّال كنت بتعمل ايه طيلة العمر
الفات ؟
دلوقت مافقت؟
وجايبهم دلوك تعمل بيهم ايه ؟
على كل أهى ريحة من ريحتك ع
الارض
يونسوا بعض
ماشى ياعبد الرحمان!!
أهو عشنا وطلنا منّك بصّه وشمّه
دلوك بس مافكرت فى " يامنة"
وقلت:ياعمة؟!
حبيبى انت ياعبد الرحمان..
والله حبيبى وتتحب
على قد ماسارقاك الغربة
لكن ليك قلب
مش زى ولاد الكلب اللى نسيونا
زمان.
حلوه مرتك وعويلاتك ؟
والاّ شبهنا..؟
سمّيتهم ايه؟ قالوا لى"" أية ونور"
ماعارفش تجيب لك حتة واد ؟
والاّ أقولك :
يعنى اللى جبناهم
نفعونا فى الدنيا بأيه..؟
غيرش الانسان مغرور..!!
ولسّه يامنه حاتعيش وحتلبس
لمّا جايب لى قطيفه وكستور؟
كنت اديتهمنى فلوس
اشترى للركبه دهان
أبا..ى ما مجلّع قوى ياعبد
الرحمان.
طب ده انا ليّا ست سنين
مزروعه ف ضهر الباب
لم طلّوا عليّا أحبّه ولا الاغراب
خليهم.
ينفعوا .
أعملهم أكفان..!!
كرمش وشّى ..
فاكر " يامنه" وفاكر الوش؟
أوعى تصدّقها الدنيا
غش ف غش.!!
اذا جاك الموت يا وليدى موت على
طول
اللى اتخطفوا فضلوا أحباب
صاحيين فى القلب كان ماحدش
غاب
واللى ماتوا حته حته
ونشفوا حيين
حتى سلامو عليكم مش بتعدى
من بره الاعتاب.
اول مايجيك الموت افتح
اول ماينادى عليك اجلح
انت الكسبان
اوعى تحسبها حساب..!!
ولا واد ولا بت
ده زمن يوم مايصدق.. كداب.
سيبهالهم بالحال والمال وانفد.
اوعى تبص وراك..
الورث تراب
وحيطان الايام.. طين
وعيالك بيك موش بيك عايشين.!!
يو...ه يا" رمان"
مشوار طولان
واللى يطوله عن يومه ياحبيبى
حمار.
الدوا عاوزاه لوجيعة الركبه
مش لطولة العمر
اوعى تصدق الوانها صفر وحمر
موش كنت جميله ياواد ؟
مش كنت وكنت؟
وجدعه تخاف منى الرجال؟
لكن فين شفتونى؟ كنتوا عيال
بناتى (رضيّة) و " نجيّه "
وماتوا وراحوا وانا اللى قعدت
طيّب يازمان
اوعى تعيش يوم واحد بعد عيالك
اوعى ياعبد الرحمان
فى الدنيا وجع وهموم أشكال والوان
الناس مابتعرفهاش
أوعرهم لو حتعيش بعد عيالك ما
تموت.!!
ساعتها بس .. هتعرف ايـــــــه هو
الموت!!
اول مايجى لك نطّ
لسه بتحكى لهم بحرى
حكاية فاطنه وحراجى القط؟
اباى ماكنت شقى وعفريت
من دون كل الولدات.
كنت مخالف.. برّاوى
وكنت مخبى فى عينيك السحراوى
تمللى حاجات
زى الحدّايه تخوّى ع الحاجه
وتطير
من صغرك بضوافر واعــــــــره
ومناقير
بس ماكنتش كداب.
وادينى استنيت فى الدنيا
لما شعرك شاب
قدم البيت
اتهدّت قبله بيوت وبيوت
وأصيل هوّه... مستنينى لما أموت
حتيجى العيد الجاى؟
واذا جيت حتجينى لجاى ؟
وحتشرب مع يامنّه الشاى؟

**********

حاجى ياعمّه... وجيت
لا لقيت يامنه ولا البيت ..!!
الرجوع الى أعلى الصفحة اذهب الى الأسفل
 
قصيدة يــا منـةالشاعر عبد الرحمن الأبنــــــــــودى
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصيدة (الأحزان العادية) عبد الرحمن الأبنودي
» قصيدة من الشعر الحلمنتيشي
» الدعاء المكتوب حول عرش الرحمن
» قصيدة جيفارا مات محمد فؤاد نجم
» قصيدة أنا نازك الملائكة

صلاحيات هذا المنتدى:لاتستطيع الرد على المواضيع في هذا المنتدى
كاريزما أون لاين :: الشعر والادب :: - شعر العامية-
انتقل الى: